KFF // þora þegar aðrir þegja!

Elska þennan mann....

Fri, 27 Apr 2007 10:41:02 GMT

http://www.brightcove.com/title.jsp?title=770030763&channel=464112035

Mömmukeppnin... Undanúrslit.

Tue, 24 Apr 2007 11:23:39 GMT

Jæja þá er komið að undanúrslitum í meistaradeildinni... og um leið komið að undanúrslitum í mömmukeppninni. Vona þó að mömmukeppnin komi ekki til með að skyggja mikið á meistaradeildina, en ef svo verður þá verður bara að hafa það. Búið er að draga í undanúrslitin og lofa ég því að þau vera orðin ljós um svipað leyti og úrslitin liggja fyrir í meistaradeildinni.

Þær mömmur sem mætast í undanúrslitum er sem hér segir:

1. Ingibjörg (Maggi Pera)- Jóhanna (Valur og Haukur)

2. Erla (Ási og Gæi) - Lóa (Kjarri)

Jæja núna vil ég fá að heyra nokkrar sögur svo dómnefndin eigi auðveldara með að gera upp hug sinn.....

OUT....

Freyr borar í nefið og borðar það...

Thu, 12 Apr 2007 09:30:46 GMT

Mér finnst þetta mjög sniðugt.... http://www.korntop.blog.is/blog/korntop/entry/164121/ :|

P.s. Afsakið þetta með mömmukeppnina... kemur vonandi á þessu ári...

Árshátíð Leiknis...

Mon, 05 Mar 2007 09:35:28 GMT

Árshátíð leiknis var um helgina og var bara helvíti gaman. Geir Ólafs klikkar náttla ekki sem veislustjóri, en óhætt er að segja það að þessi maður er bara snillingur. Annars nenni ég nú ekki að tala mikið um þessa árshátíð en verð þó að minnast á einn hlut. Við leikmenn í MFL Leiknis vorum með smá happadrætti og svo uppboð í kjölfarið. Ákveðið var að bjóða upp tvo leikmenn og var í boði stefnumót með þessum leikmönnum á Oliver. Byrjað var á því að selja Sævar fyrir 5000 krónur til móður einnar stelpu sem hann er að þjálfa. Það er nú kannski ekki frásögufærandi nema fyrir þær sakir að hún var gríðarlega ánægð með að vera búin að yngja svona upp og sleppti honum Sævari greyinu aldrei úr augsýn það sem eftir var kvölds.

Næstur upp á svið var enginn annar en Tommi, en hann hefur löngum verið talinn einn heitasti piparsveinn landsins. Fyrir þá sem ekki þekkja þá er Tommi barþjónn á Oliver um helgar, vinnur í DeCode á virkum dögum og þess á milli hangir hann í kjallaranum hjá Ása. Já hann er gjörsamlega alltaf í kjallaranum og Ási oft á tíðum ekkert allt of sáttur með að sitja uppi með þennan dreng á hverju einasta kvöldi. En já þá aftur að uppboðinu.... Tommi seldist sem sagt á 20.000 krónur og hver haldið þið að hafi keypt hann? Jú aðsjálfsögðu Ási..... :-)

Mömmukeppnin.... 8-mömmu úrslit !!!

Thu, 08 Feb 2007 10:18:13 GMT

Jæja þá liggja 8-mömmu úrslitin loksins fyrir. Niðurstöður dómnefndar voru rétt í þessu að detta í hús, en dómur féll í héraði nú fyrr í dag. Vindum okkur beint í þetta og heyrum hvernig dómarar vörðu niðurstöðu sína að þessu sinni.

1. Ingibjörg (Maggi Pera) - Brynja (Sævar og Biggi):

Sævar: Ingibjörg verður að teljast sigurvegari í þessari viðureign. Magnús kann að markaðsetja móður sína, sumstaðar mætti kalla þetta að pimpa út mömmu sína. Ingibjörg er kvendi mikið og skal ég glaður fara úr jakkanum mínum, leggja hann yfir drullupoll og bjóða henni að ganga framjjá og í fjórðungsúrslitin. Brynja þakkar annars kærlega fyrir leikinn og óskar Ingibjörgu kærlega fyrir heiðarlega spilaða viðureign.

Ási: Hörkuviðureign hér á ferð og ekki er þetta auðvelt. En eftir að hafa pælt vel og lengi í þessu þá verð ég að setja Brynju áfram í næstu umferð og kveð ég Ingibjörgu hér og óska henni alls hins besta !!!

Kjarri: Jæja hvar á maður að byrja?? Þessar viðureignir eru náttla allar rosalegar. Maggi hefur verið með eina svakalegustu landkynningu (á móður sinni) sést hefur. Hefði þó viljað hafa hana örlítið létt klæddari á myndinni sem Maggi setti inn. Þessar konur þekki ég báðar mjög vel... líkar vissulega vel við þær báðar, en það er eins og annari þeirra líki bara vel við mig?? Já einhverra hluta vegna er ég hálf hræddur við Brynju (Brynju njósnara eins og Sævar kallar hana) og ekki kalla ég nú allt mömmu mína (góður þessi ;-) ). Já ég bara verða að kjósa Ingibjörgu áfram að þessu sinni... vona þó að Brynja erfi þetta ekki við mig, því það er nógu helvíti erfitt að mæta heim til Sævars eins og staðan er í dag 8| .

2. Jóhanna (Haukur og Valur) - Sigrún (Tryggvi):

Sævar: Stórslagur, en ég verð að gefa Jákvæðninni sigurinn hér. Þarf ekki að fjölyrða um það en Jóhanna er gullmoli og stend ég og aðrir sem til þekkja í ævaranlegri þakkarskuld við hana fyrir þessi ótal skutl (skutlaði okkur í bæinn nú síðast um helgina sem leið - man að vísu ekkert eftir því, en hún á þakkir skilið).

Ási: Hér er ég með tvær alveg hreint yndislegar konur. Önnur á það til að bjóða manni í skonsur og keyra mann heim úr bænum og er það nóg fyrir mig, það er engin sem myndi sækja og keyra menn heim úr bænum um miðja nótt......Jóhanna áfram!!!

Kjarri: okokok... Svona þegar maður hugsar um það, hvernig er hægt að kjósa ekki Jóhönnu áfram? Hún sækir mann í bæinn (eins og svo oft hefur komið fram), eldar fyrir mann og vill í raun allt fyrir mann gera. Á móti kemur að þegar maður hefur ekkert út á hina manneskjuna að setja þá er þetta einstaklega erfitt val og því erfitt að líta fram hjá því að hún sé ávallt til í að sækja mann í bæinn.... jafnvel þó Valur sé ekki með manni, bara af því henni finnst bara svo gaman að horfa á mig og Sævar, blindfulla, slást í aftursætinu. Ég þekki þó Sigrúnu ágætlega og veit að hún mun ekki erfa þetta við mig (veit þó ekki hvað Brynja gerir), því hún Sigrún stendur í mikilli þakkaskuld við mig.... því án mín væri Tryggvi ennþá nörd.

3. Anna (Gissi) - Lóa (Kjarri):

Sævar: Anna er yndisleg. Ef ég ætti rauðbirkinn bangsa vildi ég ekkert annað en skíra hann Anna. Lóa hefur alltaf heillað mig... veit ekki alveg af hverju, gæri alveg trúað að þar sé minn sálufélagi jafnvel og ég sé hreinlega nokkrum áratugum of seint á ferðinni.... vona samt ekki! Lóa fer áfram eftir harða viðureign þar sem Anna komst yfir snemmendis (gömlu sögurnar) en Lóa tekur þetta á reynslunni og þessum mýgrút af húsráðum sem hún býr yfir.

Ási: VóVóVó.... Þetta er svakalegt, Anna hinsvegar gæti gefið út bók með sínum snilldarlegur setningum og Lóa gæti markaðsett sitt sérstaklega vel drýgða kartöflusalat að hætti Vicktoriunnar. Eftir langan umhugsunarfrest þá verð ég að setja Önnu áfram af þeirri einstöku ástæðu að hún dansar Country-dansa.

Kjarri: Jæja hvað á maður að segja hér... og passa um leið að gæta fyllsta hlutleysis. Anna er vissulega mögnuð manneskja og sögurnar af henni endalausar. Ég á þó erfitt með að hleypa henni áfram í mömmukeppninni út á þessar sögur, þar sem þær snúast nánast allar um hversu.... já ég segi það bara... hversu mislukkuð þessi kona því miður er (ekki illa meint Anna mín, enda veistu að ég hæf ætíð verið mun meiri aðdáandi þinn heldur en aðdánadi sonar þíns). Hún virðist ekki ná að gera einn einasta hlut réttan, því miður. Hlutir á borð við handbremsu, loftkastala og fleira eru henni algjörlega hulin ráðgáta. Allt mjög sniðugt , en hefði þó viljað sjá Gissa hæla mömmu sinni eins og hann var í raun búinn að lofa því að gera. Sögur af mömmu minni eru nokkrar... en flestar ef ekki allar snúast um það hversu pottþétt húsmóðir hún er, kannski einum of pottþétt. Lóa fer því áfram.

4. Erla (Gæi og Ási) - Magga (Elli):

Sævar: Hef fátt annað um þessa viðureign að segja en að Magga átti aldrei séns! Erla mætti til leiks og tjaldaði öllum seglum, dúkum, silfurborðbúnaði og öllu sem mögulega var hægt að tjalda til! Stórsigur staðreynd og flýgur Erla vængjum þöndum inní fjórðungsúrslitin.

Ási: Annars vegar mamma mín og móðir eins elsta vinar míns.... Verð að segja af algeru hlutleysi að Magga er frekar óheppin með andstæðing því mamma er einstök og eru þær ekki gerðar svona í dag. Mamma áfram og ekki orð um það meir !!!

Kjarri: Já ég held að meðdómarar mínir hafi sagt allt sem hægt er að segja.... Hér mætir Magga ofjarli sínum og við verulega ramman leik að etja. Erla er hreint ótrúleg kona og flýgur áfram í undanúrslitin. Vissulega ekkert hægt að setja út á Möggu, en Erlu þekki ég bara svo vel, enda heimili hennar verið mitt annað heimili í mörg ár.

Jæja svona fór um sjóferð þá.... stefni á það að koma undanúrslitunum inn fljótlega... OUT.

Rosalegur leikur...

Wed, 31 Jan 2007 15:05:33 GMT

Eins og flestir ef ekki allir vita þá var þetta rosalegur leikur í gær. Ég nenni nú ekki að segja eitt einasta orð um hann, enda frekar svekktur þessa stundina. Ég sat (já eða sat, lá og stóð til skiptis) hinsvegar einn og horfði á þennan leik í gær og var maður gjörsamlega að drepast úr spennu. Svo þegar allt er á suðu punkti og nokkrar mín eftir, hringir síminn.... Og ég hugsaði með mér... "hver í andskotanum er að hringja núna, eins gott að það sé mikilvægt". Ég lít svo á síman og jú jú það passaði sem mig grunaði, það var einmitt hann sem var að hringja. Ég svaraði og þegar það kom í ljós að hann var bara að hringja til að spjalla þá var ég ekki lengi að segja...."Dúddi hvernig í andskotanum dettur þér í hug að hringja núna? Ég hringi í þig þegar leikurinn er búinn"... það síðasta sem ég heyrði áður en ég skelti á hann var "HA...hvaða leikur?".

Deutchland, Deutchland uber alles....

Wed, 31 Jan 2007 14:06:00 GMT

Jæja þá er maður kominn heim frá Danmörku og Þýskalandi. Eftir stutta dvöl í Ribe hjá Tryggva og Haffa, var haldið af stað til þýskalands þar sem stefnan var sett á Beilefield en skammt þar frá spilaði íslenska landsliðið. Það munaði reyndar ekki miklu að við hefðum endað lengst í Austur-þýskalandi þar sem Tryggvi pantaði hótel um 800 km frá þeim stað sem landsliðið var að spila. Já það hefði verði helvíti fínt að keyra þessa 800 km fyrir hvern leik, en þess má geta að það eru ekki nema 490 km frá Ribe til Beilefield. En sem betur fer náði Tryggvi að bjarga sér fyrir horn og komst að þessu rétt áður en við lögðum af stað.

Fljótlega eftir að komið var til þýskalands tók ég eftir einum sem stakk mig mjög.... Ég sá ekki einn einasta krakka fyrr en á öðrum eða þriðja degi. Ég bar svo þessa spurningu undir ferðafélaga mína og allir voru sammála, enginn hafði séð einn einasta krakka alla ferðina. Maður veltir því óneytanlega fyrir sér spurningunni hvort þjóðverjar fæðist virkilega 25 ára að aldri, með yfirvaraskegg og engan persónuleika? Svo þegar ferðin var á enda var ég búinn að sjá 4 krakka í heildina og ég er ekki að grínast.

En að öðru sem fór frekar mikið í taugarnar á mér. Það var nánast ekki einn einasti þjóðverji sem talaði ensku. Ekki einu sinni helvítis kellingin sem vann á hótelinu, hún skildi ekki stakan staf. Vá hvað mig langaði að hrauna yfir hana, en þar sem þýskan mín er ekki alveg nægjanlega góð til þess þá varð ég að sleppa því.

Svo duttum við ein einhverja svona "Bónus" verslun í Flensburg á leið okkar til Bielefield og þar var Jagemeister flaskan (1 lítri) á 800 krónur. Út af hverju er þetta ekki svona á íslandi??? Tvöfaldur kostar 1250 krónur á skemmtistöðum hér á landi.... frekar óþolandi.

Annars mun maður vonandi henda inn nokkrum myndum frá ferðinni fljótlega, en maður var nú reyndar ekkert svakalega duglegur á vélinni frekar en vanarlega. Svo fara úrslitin úr mömmukeppninni að detta inn... En þangað til næst... næst, OUT.

8 mömmuúrslit...

Wed, 17 Jan 2007 17:56:21 GMT

Þá er riðlakeppninni lokið og komið að 8 mömmuúrslitunum. Úrslit riðlakeppninnar fóru mis vel í keppendur, já eða syni þeirra, en lítið við því að gera þar sem það er dómnefndin sem ræður. Það þýðir lítið að sitja bara aðgerðalaus heima og ætlast til þess að mamma ykkar komist áfram, þið verðið að gjöra svo vel og kynna hana vel fyrir dómnefndinni og um að gera að henda inn góðum sögum.

Þær mömmur sem mætast í 8 liða úrslitum eru eftirfarandi:

1. Ingibjörg (Maggi Pera) - Brynja (Sævar og Biggi)

2. Jóhanna (Valur og Haukur) - Sigrún (Treggvi)

3. Anna (Gissi) - Lóa (Kjarri)

4. Erla (Ási og Gæi) - Magga (Elli)

Úrslitin detta svo vonandi fljótlega inn, en þangað til verið duglegir að koma með mömmusögur... það er fátt skemmtielgra en það. OUT...

Mömmukeppnin...

Mon, 15 Jan 2007 22:25:04 GMT

Eftir mikla pressu undanfarna daga þá fékk ég loksins meðlimi dómnefndar til þess að skila inn sínum niðurstöðum. Eins og áður var kynnt hér á síðunni þá var spilað í riðlum þar sem allir kepptu við alla og dæmdi dómnefnd samviskusamlega hverja viðureign fyrir sig. Hver mamma gat því mest fengið þrjú stig út úr hverri viðureign eða mest níu stig í það heila. Annars ætti þetta að skýra sig sjálft og koma úrslit riðlanna hér að neðan og smá ummæli dómnefndar fyrir neðan hvern riðil, Sævar skilaði þó inn mun ítarlegri umfjöllun en aðrir eins og sjá má. Góða skemmtun...

Riðill A:

1. Sæti Ingibjörg (Maggi Pera) = 7 stig

2. Sæti Sigrún (Tryggvi) = 5 stig

3. Sæti Kolla (Kalli) = 4 stig

4. Sæti Ragnhildur = 1 stig

Kolla - Ragnhildur - Staðreyndin að Kolla sé miðaldra kona sem hamrar ljósabekkina er eitthvað sem ég dáist af. Hefur alið þrjá toppdrengi og greinilega staðið sig vel í uppeldinu. Ljósabekkirnir hafa vinninginn.

Ingibjörg - Sigrún - Ingibjörg hefur af sögum Magga marga fjöruna sopið. Óhefðbundið vs Hefðbundið myndi ég segja. Ingibjörg tekur þennan en Sigrún var skeinuhætt.

Ragnhildur - Sigrún - Þetta mun vera klár systra-mömmuslagur. Regludýrkunin hefur vinninginn – en ég heillast mikið af Sigrúni að ná að hafa matinn á slaginu. Fastir liðir sem þessi eru uppbyggilegir og gefa börnunum ákveðna festu og öryggistilfinningu.

Ingibjörg er sigurvegarinn í þessum riðli og það örugglega, enda mikið afrek að umgangast tvær perur. Skammt undan kemur svo Sigrún og er það aðallega af því að vera einstaklega stundvís með matinn, ekki eina mín í eða yfir heldur á slaginu sjö.

Riðill B:

1. Sæti Jóhanna (Valur og Haukur) = 8 stig

2. Sæti Brynja (Sævar og Biggi) = 7 stig

3. Sæti Elín (Andrés) = 2 stig

4. Sæti Jóna (Gunni Örn) = 1 stig

Jóhanna - Brynja - Jóhanna tekur þessa viðureign, fyrir það eitt að sækja okkur alltaf í bæinn þegar maður er orðinn alveg útúr djammaður. Brynja er þó einnig gríðarlega sterk, en henni til trafala er það að maður er alltaf skít hræddur við hana.

Brynja - Elín - Brynja tekur þessa viðureign eins og henni einni er lagið. Strax frá fyrstu mínutu kom hún af mikilli festu inn á völlinn, rétt eins og þegar hún gengur inn í Einræðisríki sitt V-70.

Jóhanna - Jóna - Hér mætir Jóna ofjarla sínum, rétt eins og þegar hún gengur framhjá sjónvarpinu á meðan karlpeningurinn á heimilinu horfir á enska boltan.

Jóhanna er Best í þessum riðli og er ekki mikið neikvætt um hana að segja, reyndar bara allt mjög jákvætt. Fast á hæla hennar kemur svo Brynja sem stjórnar heimili sínu eins og herforingi, enda köllum mamma af öllum á heimilinu, einnig af eiginmanni sínum.

Riðill C:

1. Sæti Anna (Gissur) = 9 stig

2. Sæti Magga (Elli) = 4 stig

3. Sæti Erna (Gunni Jarl og Davíð) = 3 stig

4. Sæti Sigurveig (Jói) = 2 stig

Magga - Erna - Mamma hans Ella á því miður ekki séns.... svo það er Erna sem tekur þetta. Geri mér það í hugarlund að hún hafi verið tígulegur kvennmaður á sínum tíma - Pípan gert gott mót þar. Hefur alið fjögur kvikindi (þ.a.m yfirgeðsjúklinginn Gunnar Jarl). Heimilishaldið er reyndar ekkert spes, óhreinatausfjöll sem fá mömmu hans Ása til að finna til mátt- og vonleysi.

Anna - Sigurveig - Þekki Önnu mjög vel enda búin að fylgja Gissa upp alla yngri flokka þar sem hún var dugleg að öskra “Áfram Gissi” og koma með gullmola.... Sigurveig er óskrifað blað í mínum bókum en staðreyndin að hún horfi á Enska boltann gerir hana samkeppnishæfa og vel það. Anna tekur þetta þó á seiglunni.

Magga - Sigurveig - Sigurveig tekur þennan. Þekki báða keppendur lítið sem ekkert. Annars vegar er það Fellaperrinn eða Veislustjórinn - báðir eðalpiltar. Þegar upp er staðið er það ástríðan fyrir mat og enska sem fleytir mömmu Veislustjórans (Jóa) áfram.

Hvað getur maður sagt, Anna Alfreðs er án efa ein litríkasta mamman í keppninni og einkar góð í Country dönsum og hefur heyrst að hún stefni á tilil í þeirri grein á heimsmeistaramótinu. Með henni áfram í 8 mömmuúrslitin fer svo Magga, en þeir sem ekki vita hver Magga er þá er hún móðir fellaperrans ógurlega og það er ekki auðvelt verk.

Riðill D:

1. Sæti Erla (Ási og Gæi) = 8 stig

2. Sæti Lóa (Kjarri) = 5 stig

3. Sæti Herdís (Dúddi) = 3 stig

4. Sæti Sigga (Freysi) = 2 stig

Herdís - Lóa - Lóan hefur sigurinn enda hafa leiðir okkar oftar legið saman og hrífst ég af henni. Herdísi kynntist ég fyrst í áramótateiti Kalla Haagensen og var það nokkuð vandræðalegt andartak...

Erla - Sigga - Hér mætast stálin stinn. Hinsvegar gamli skólinn (húsmæðraskólinn líklega) á móti hinni svokölluðu nútímakonu. Sigríður er þokkafullur kvennmaður og gæti tælt margan manninn en hér á þessu blaði er það gestrisni Erlu sem hefur vinninginn.

Herdís - Erla - Erla tekur þennan þótt Herdís sé virkilega göfugur kvennmaður sem greinilega var mikill kvennkostur á sínum tíma. Hinsvegar er það Erla sem hefur sigurinn hér enda kjarnorkukvendi mikið að ala, elda ofaní, þrífa af og halda Unufelli 13 gangandi á öllum smurðum.

Lóa - Sigga - Þekki Lóuna sem afbragðskonu sem býr á Viktoríutímabilinu. Drýgir kartöflusalatið með soðnum kartöflum sem sýnir framá fjármálavit og afbragðs hússtjórn. Það er vanmetinn kostur að mínu mati. Heimilishald í Unufellli 33 var ekki tipp topp og má þar nefna að engir pennar voru í húsinu og sjaldan eitthvað bitastætt til að malla sér í ískápnum. Líkist Lóa mikið henni móður minni skynja ég - fátt sem framhjá henni fer og mikill dugnaðarforkur í heimilshaldinu. Nútímakonan Sigríður Þóra er enn í blóma lífsins, Hallgerður Langbrók nútímans mætti segja. Stormasamur kvennmaður veit ég og staðreyndin að Kartan skyldi máta géjara af henni forðum daga er henni í hag en Lóu í óhag því greinilegt e-að Kartan missti þar af einhverri kennslustund í hvar draga skal mörkin :)

Herdís - Sigga - Sigríður tekur þenna slag nokkuð auðveldlega en gaman hefði verið að þessar blómarósir hefðu mæst báðar í fullum blóma eða eins og nýútsprungnar rósir þá hefði verið erfiðar að gera uppá milli. En Sigríður hefur sigur.

Lóa - Erla - Erla tekur þennan slag og því Lóa sem situr eftir með sárt enni. Erfitt að skilja hana eftir, enda toppkona í alla staði af mínum kynnum af henni. Erla er hinsvegar eins og áður hefur komið fram einfaldlega of stór biti í þetta skiptið og því úrslitin skýr og skilmerkileg.

Dauðariðillinn hefur talað sínu máli. Þær Erla og Lóa fara áfram eftir margar rosalegar viðureignir.

Látum þetta duga að sinni, en endilega haldið áfram að koma með mömmusögur...OUT.

Hver man ekki eftir...

Thu, 11 Jan 2007 14:04:51 GMT

Hver man ekki eftir Rokklingunum? Shitt hvað mig langaði að vera í Rokklingunum þegar ég var lítill. Ég var bara ekki að meika það hversu töff allir krakkarnir voru...

Já ég veit frekar óskýr mynd... en vissir þú að rokklingarnir voru starfræktir á árunum 1989-1992 og að á þessum tíma gáfu þeir út 8 plötur (en þrjár þeirra náðu platínusölu og tvær náðu gullsölu). Tónlistarmyndbönd voru og framleitt og spiluð talsvert í sjónvarpi.

En hvað mömmukeppnina varðar þá er ég búinn að bíða núna í 3. vikur eftir því að þeir Ágeir Jóhann og Sævar, með dómarar mínir, skili inn sínu áliti. Vona að þetta detti í hús sem fyrst, en ég bíð álíka spenntur eins og þið.

Annað var það ekki að sinni, OUT...

Gleðileg jól...

Mon, 25 Dec 2006 01:40:15 GMT

Gleðileg jól kæru vinir og vandamenn... Maður er alveg búinn á því eftir að hafa opnað pakkana enda 132 kvikindum troðið undir tréð þetta árið. Ég fékk þó ekki nema einhverja 6 af þeim og er bara mjög sáttur við mitt. Hafið það gott yfir jólin og njótið þess að vera til...

Búið að draga í mömmukeppninni...

Wed, 20 Dec 2006 21:47:20 GMT

Jæja þá er búið að draga í mömmukeppninni. Ákveðið hefur verið að hafa örlítið breytt fyrirkomulag, frá því sem var í pabbakeppninni og spila í riðlum til að byrja með. Það verða því fjórir fjögurra mömmu-riðlar þar sem, allar spila við alla og tvær efstu mömmurnar komast svo áfram í átta mömmu úrslit. Með því að hafa þetta fyrirkomulag eru minni líkur á því að sterkar mömmur detti strax út í 16 mömmu úrslitum.

A-riðill:

Kolla (Kalli), Ragnhildur (Haffi), Ingibjörg (Maggi) og Sigrún (Tryggvi).

B-riðill:

Brynja (Sævar), Jóhanna (Valur), Elín (Andrés) og Jóna (Gunni Örn).

C-riðill:

Magga (Elli), Erna (Gunni Jarl), Anna (Gissi) og Sigurveig (Jói).

D-riðill:

Herdís (Dúddi), Lóa (Kjarri), Sigga (Freysi) og Erla (Ási).

Eins og áður sagði þá munu tvær efstu mömmurnar komast áfram úr hverjum riðli og eftir það mun útsláttarfyrirkomulag ráða ferðinni. Eftir riðlana keppa svo A-1 á móti B-2, A-2 á móti B-1 og svo koll af kolli.

Þegar litið er á riðlana verður bara að segjast eins og er að D-riðillinn er klárlega dauðariðillinn, enda fjórar rosalegar skvísur í þeim riðli. Það er því ljóst að dómnefndinni bíður einkar erfitt verkefni, en í henni sitja þeir Ási, Kjarri og Sævar. Úrslit riðlakeppninnar koma svo í ljós á nástu dögum og núna er um að gera að henda inn sögum af mömmum ykkar ef þið viljið sjá þær áfram í keppninni.

Annað var það ekki.... OUT.

Upphitun fyrir mömmukeppnina...

Wed, 20 Dec 2006 00:10:55 GMT

Jæja ég held að það sé kominn tími til þess að byrja mömmukeppnina. Sama snið verður á henni eins og pabbakeppninni, sem sló svo rækilega í gegn. Það er nú bara þannig með mömmurnar að þær eru alveg magnaðar, það sem kemur uppúr þeim er oft á tíðum algjör snilld. Hér á eftir kem ég svo með létta kynningu á þeim mömmum sem verða með í keppninni og á morgun verður svo dregið í 16-mömmu úrslitin. Það er svo í ykkar höndum drengir góðir að kynna mömmur ykkar fyrir lesendum síðunnar, ef þið viljið á annað borð að þær komist áfram í keppninni.

Anna Alfreðs - er móðir Gissa, hún er klárlega ein sú magnaðasta. Það sem gæti þó háð henni, er háralitur, krullur og sonurinn.

Sigga - er móðir Freysa, hún kemur klárlega sterk til leiks og vil vafalaust komast lengra en ofurtöffarinn Gúndi. Hún er MILF og mun dómnefndin taka tillit til þess.

Sigrún - er móðir Tryggva, er ein þessara sem hefur alltaf kvöldmatinn á réttum tíma, ekki kl 18:59 ekki kl 19:01, heldur kl 19:00.

Herdís - er móðir Dúdda, hún á klárlega settningu aldarinnar og kemur þ.a.l. sterk til leiks.

Lóa - er móðir Kjarra, þessi manneskja er hreint mögnuð. Ein af þessum sem hefur ekki hugmynd um það hvernig rafmagnstæki virka nema riksugan. Á son í dómnefnd.

Jóna - er móðir Gunnars Arnar, hún tekur alltaf uppá því að þrýfa sjónvarpið þegar enski boltinn er í gangi, við litla hrifningu viðstaddra sem gjörsamlega brjálast.

Erla - er móðir Ása, gríðarleg pressa er á henni þar sem hún er jú eiginkona Stíflu Geira sem sigraði pabbakeppnina.

Ingibjörg - er móðir Magga peru, hún er án nokkurs vafa staðráðin í því að komast langt í þessari keppni þar sem hún telur eiginmann sinn hafa verið svikinn af dómnefndinni í síðustu keppni.

Magga - er móðir Ella, hún er ljúf og góð manneskja sem fer lítið fyrir. Hún þarf vissulega á stuðning frá syni sínum til þess að komast langt í þessari keppni, eins og reyndar allar mömmurnar.

Brynja - er móðir Sævars, hér er hreinn og klár gullmoli á ferð. Maður væri ekki til í að mæta henni í dimmu húsasundi.

Jóhanna - er móðir Vals, hún er jákvæðari en allt sem jákvætt er. Á það til að vakna á nóttunni og sækja okkur strákanna í bæinn og fer hún langt á því.

Elín - er móðir Anda, það er mjög lítið fyrir henni og er hún gríðarlega góð við son sinn.

Kolla - er móðir Kalla, hún er töffari og hikar ekki við það að stunda ljósabekkina. Kolla býr við karlaveldi eins og svo margar mömmurnar í þessari keppni og er það eitthvað sem hefur styrkt hana.

Ragnhildur - er móðir Haffa, var mamma mánaðarins hér á síðunni fyrr á árinu, þar sem ég tók létt viðtal við hana og var hún ansi létt á því.

Erna - er móðir Gunnars Jarls, henni hefur tekist ágætlega til við það að stjórana í sínu karlaveldi enda er hún kennari. Erna var MILF á sínum tíma og náði sér í karl sem reykir pípu, það er mjög töff.

Sigurveig - er móðir Jóa, hún er með sýn og enska boltan og er sú eina á sínu heimili sem fylgist með þessu og sker hún sig algjörlega út hvað það varðar.

Jæja þá er léttri kynningu lokið og skemmtilegt að fá að vita hvað synir þeirra hafa að segja.

OUT...

Maður hefur nú sjalda séð þá þynnri...

Fri, 15 Dec 2006 12:08:53 GMT

http://picasaweb.google.com/ingibjorg1/25RaAfmLiIngibjargar021206/photo#5007622720855128434

Þemað...

Tue, 12 Dec 2006 21:39:09 GMT

Núna fer að líða að okkar árlega "þemadjammi". Við strákarnir erum búnir að gera það að föstum lið hjá okkur að taka þemadjamm í kringum jólin. Tvö síðustu skipti höfum við haldið það annan í jólum en þetta árið verður víst breyting á. Ástæðan er sú að systurnar (Treggvi og Haffi) fara aftur út til Ribe annan í jólum og því þurfum við að flýta því þetta árið. Þemadjammið verður því föstudaginn 22 des. þetta árið.

Þemadjammið skýrir sig nokkurnveginn sjálft. Fyrsta árið tókum við asnalega-leðurjakka þema, annan í jólum 2004. Þá voru menn að mæta í leðurjökkum af pöbbum sínum sem pössuðu mis vel, jökkum af öfum sínum sem voru vissulega komnir til áranna og jafnvel jökkum af systrum sínum sem þær keyptu í kolaportinu. Úrvalið var glæsilegt en þó einn galli á... þegar við fórum í bæinn þá var það dimmt inni á skemmtistaðnum að það sást ekki nægjanlega vel hversu asnalegir jakkarnir voru í raun. Því miður er lítið til af myndum af þessu þema en ég náði þó að redda einni.

Annað þemadjammið var svo í fyrra, annan í jólum 2005. Þá var þemað Glasgow-jakkar. Glasgow jakka kannast allir við, en fyrir um 20 árum fóru allar húsmæður til Glasgow í verslunarferð og komu heim með svona jakka handa eiginmanninum. Það var lengi búið að blunda í okkur að fara allir í slíkum jökkum í bæinn og létum við verða að því annan í jólum í fyrra.

Glasgow jakkarnir vöktu mun meiri lukku í miðbæ Reykjavíkur, enda hurfu þeir ekki inn í myrkrið eins og leðurjakkarnir.

Jakkarnir pössuðu þó mis vel eins og svo oft áður, en Ási tók sig þó einstaklega vel út í jakkanum.

Kalli var þó eitthvað aðeins að misskilja þemað og mætti í Kanaríeyja jakkanum sem pabbi hans á og mætti einnig í þessu frábæra vesti og borgaði ekkert aukalega fyrir það.

Annars er fullt af myndum frá Glasgow jakka djamminu hér á minni "frábæru" myndasíðu til hliðar.

Á hverju þemadjammi er svo ákveðið hvert þemað skal vera nást og á því var engin undantekning í fyrra. Í fyrra var ákveðið að þemað í ár skyldi vera asnalegt vesti og slaufa, en annar klæðnaður er frjáls.

Þessi myndi sóma sig vel meðal okkar 22 des en þó má reykna með því að vestin og slaufurnar verði eitthvað skrautlegri hjá okkur. Gríðarleg spenna er alltaf tengd því í hverju menn mæta og get ég varla beðið. Sjálfur stefni ég á það að kíkja í hjálpræðisherinn, kolaportið og rauðakrossinn í vikunni.

Annars er skráning fyrir þemadjammið hér með hafin á síðunni og verða allar umsóknir skoðaðar, en aðsjálfsögðu fær ekki hver sem er að vera með. Annað var það ekki.... OUT.